Vrasjet me armë zjarri janë kthyer në fenomenin më të frikshëm në vendin tonë, ku “larjet e hesapeve” apo shpesh herë dhe konfliktet e momentit po zgjidhen me përdorimin e armëve. Viti që lamë pas, shënoi një bilanc të frikshëm vrasjesh në vend, pjesa më e madhe e të cilave ende të pazbardhura deri më sot. Rreth 61 krime me pasojë humbje jete tronditën vendin në vitin 2021, ku policia disa prej tyre, i cilësoi si vrasje të karakterit mafioz. Ngjarja e parë e vitit e tipit mafioz u regjistrua në Durrës ku si pasojë mbeti i vrarë Edmir Bregu. Pas Durrësit një vrasje e ngjashme u shënua në Vlorë ku humbi jetë Gentian Qarri, ngjarje e cila nuk është zbardhur ende sot. E pazbardhur mbetet edhe vrasja e shtetasit Bardhok Pllanaj në Shkodër. Në Elbasan, I cili prej vitesh me radhë është cilësuar si një nga qytetet më të rrezikshme në vend, për shkak të ngjarjeve kriminale, në 11 maj u ekzekutua Everest Caka dhe 10 ditë më vonë Delon Troqe sërish në Vlroë. Saga e vrasje vijoi edhe dy muajt e fundit të vitit 2021, të cilët ishin dhe me tragjikët. Nga 1 nëntori deri në 28 dhjetor u regjistruan 4 ngjarje kriminale me eleminimin e pesë personave Xhelal Reçi, Erigers Mihasi dhe Armando Dumani, Can Karriqi dhe Albi Bashalliu. Autorët janë ende në kërkim dhe ende nuk asnjë gjurmë për to.