Është zbardhur ngjarja e pak ditëve më parë, ku 27 vjecari shqiptar Lumturi Zeqaj mbeti i vrarë në Londër. Familjarët e të ndjerit kanë folur për mediat britanike dhe sipas tyre, 27 vjecari mbeti i vrarë pasi hyri të ndante shokun e tij që po konfliktohej me dikë tjetër në lokalin ku ndodhi ngjarja. “Ai hyri në mes të sherrit për të ndarë shokun e tij dhe ata e vranë atë. Ai ishte një njeri i guximshëm dhe i mirë, prandaj ndërhyri për të shpëtuar shokun e tij,”- deklaroi kushërira e tij Violeta Uka. Na morën Lumin në moshën më të bukur. Nuk ka fjalë për ta ngushëlluar familjen,”- tha ajo. 27 vjecari Lumturi Zeqaj u vra pak ditë më parë në një rrugë pranë një stacioni metroje në Londrën Lindore. Autoritetet vendase po punojnë për zbardhjen e rrethanave të ngjarjes, ndërsa deri më tani nuk dihet se kush ka qenë autori.