Askush nuk mund të mendonte se radha për të kryer pagesën në supermarket do të bëhej shkak për vrasjen e një personi. Kjo gjë ndodhi dhe ngjarja në fjalë u regjistrua në kryeqytet, ku viktimë mbeti një klient 28-vjeçar. Autori I krimit është një efektiv policie. Arbër Sula vrau me pistoletë Jurgen Dukën I njohur dhe me mbiemrin Mëziri. Shkak I së gjithës, sipas policisë ishte një konflikt për radhën se kush do të paguante I pari produktet e blera në një market 24 orësh. Ngjarja u regjistrua pak pas mesnatës së të hënës në Tiranë, ku Duka fillimisht mbeti I plagosur, por më pas ndërroi jetën në spitalin e Traumës, pasi plumbi e preku në zemër. Në videon e filmuar nga kamerat e sigurisë duken qartë 6 të rinj, të cilët nuk dihet nëse kanë njohje me njëri-tjetrin, si dhe pronari I biznesit I cili qëndron në kasë. Personat në fjalë konfliktohen verbalisht, më pas kalohet në dhunë, teksa efektivi Sula, I cili është jashtë orarit të punës nxjerr pistoletën dhe godet drejt viktimës. Autori I ngjarjes u largua menjëherë e prej atij moment vijon të jetë në arrati.