Vajza shqiptare që u vra në një hotel në Bruksel ka një histori tëe trishtë që nis në Shqipëri dhe përfundon në shtetin ku edhe ndodhi krimi makabër. Xhuljeta Lala, 33-vjeçe me origjinë nga Shqipëria u vra në një hotel në Bruksel, ku punonte si sanitare. Mediat belge, bëjnë me dije se autori është një 36-vjeçar, me origjinë nga Franca, i cili sapo kishte dalë nga spitali psikiatrik. Mediat belge bëjnë me dije se i riu kishte dalë lakuriq në korridor, më pas ka marrë një fikëse zjarri, ka hyrë në dhomën e hapur ku ishte Xhuljeta, e më pas e ka goditur duke e lënë të vdekur në vend. Ka qenë një anëtar i stafit të hotelit, i cili zbuloi vrasjen, e në atë moment sipas tij, burri ishte akoma i zhveshur pranë viktimës dhe i kishte kryqëzuar kyçet e duarve, sikur të ishte gati të arrestohej. Sipas dëshmitarit, 36-vjeçari ka thënë se e ka vrarë atë pasi ia kërkoi djalli.