Martina Pajollari, e akuzuar për moskallëzim krimi lidhur me vrasjen e Martin Çeços, ndodhet në arrest shtëpie prej dy javësh, kjo për shkak të përfundimit të afateve të paraburgimit. Ka qenë mbrojtja e cila ka kërkuar lirimin e menjëhershëm të Martina Pajollarit, e cila ndodhej në burgun e Pojskës. Dy muaj më parë edhe tre të akuzuarit e tjerë u liruan nga qelia për shkak të përfundimit të afateve të paraburgimit. Në janar të këtij viti, kushërinjtë Mollaj dhe Angjo u vendosën nën masën e sigurisë ‘arrest në shtëpi’.