Granit Plava, i akuzuari për vrasjen e Liridona Ademajt ka ndryshuar dëshminë para gjykatës së Prishtinës, duke deklaruar se rrëfimin e parë që ka bërë në polici e ka bërë nën presion, që ngjarja të dukej si grabitje. Siç raporton ‘Betimi për Drejtësi’, ai tha para gjykatës së vrasjen e Liridonës e ka kryer me porosi të Naim Murselit, por se vetëm një ditë më vonë ka mësuar se viktima ishte bashkëshortja e porositësit. Liridona Ademj u vra në nëntor të vitit 2023. Bashkëshorti i saj, Naim Murseli akuzohet për planifikimin e vrasjes, ndërsa bashkëfshatari i tij, Kushtrim Kokalla dyshohet se ka siguruar armën e krimit. Duke u përgjigjur në pyetjet e mbrojtësit të tij, Plava tha se kishte marrëveshje me Naim Murselin dhe se ai ka qenë në dijeni për veprën për të cilën po akuzohet.