Një person tjetër është arrestuar në lidhje me rastin e vrasjes së Liridona Ademajt në Prishtinë, duke rritur numrin e të dyshuarve në katër. Tomë D., nga komuna e Gjakovës, është personi i katërt i arrestuar për dyshimin e tij në vrasjen e Liridonës. Ai dyshohet se ka shpërndarë armën që është përdorur në vrasje te Granit Plava. Liridona Ademaj u qëllua me armë dhe humbi jetën më 29 nëntor. Në mesin e të dyshuarve për këtë ngjarje tragjike është edhe bashkëshorti i saj, Naim Murseli. Rasti fillimisht raportohet si grabitje me pasoja fatale, por më pas është zbuluar se është organizuar nga Naim Murseli sipas dyshimeve të Prokurorisë. Të dyshuarit tjerë që janë arrestuar në lidhje me këtë ngjarje janë Granit Plava dhe Kreshnik Kokalla. Naim Murseli akuzohet për organizimin e vrasjes së gruas së tij duke premtuar 30 mijë euro për kryerjen e kësaj ngjarjeje, ndërsa Kushtrim Kokalla dyshohet për marrëveshje për të kryer vrasjen. Gjykata Themelore në Prishtinë ka caktuar masën e paraburgimit për një muaj ndaj të dyshuarve për këtë ngjarje të rëndë, ndërsa ka bërë thirrje për zbardhjen e plotë të rastit