Rreth 3 muaj nga vrasja në Itali e ish-efektivit të policisë së Burgjeve, Fatos Cenaj, në Itali, autoritetet vendase kanë arritur në përfundimin se ai nuk është vrarë aksidentalisht. Nga të dhënat e siguruara nga autoritetet Italiane, Cenaj rezulton që të të mos ketë patur probleme në Itali, madje gëzonte respektin e banorëve të zonës. Sipas policisë, gjithçka mund të ketë ardhur si pasojë e të kaluarës së tij në Shqipëri. Pasi kanë hedhur poshtë të gjitha pistat e tjera të hetimit, autoritetet kanë nisur hetimet ndaj një personi për akuzën e vrasjes, ndërsa pista që mbetet kryesore, është ajo e hakmarrjes. Hetuesit italianë kanë mbledhur dëshmi nga kamerat e sigurisë në zonë dhe kanë intervistuar persona që e njihnin viktimën, teksa pas ngjarjes së rëndë, familja e të ndjerit është larguar nga banesa e tyre.