Një goditje jo vetëm për komunitetin e drejtësisë, por për të gjithë shoqërinë tone, e ka quajtur trupa gjyqësore e Gjykatës së Apelit të Juridiksionit të Përgjithshëm në Tiranë vrasjen në sallën e gjyqit të kolegut të tyre, Astrit Kalaja. Përmes një deklarate gjyqtarët e Apekit theksojnë se “kjo ngjarje tragjike imponon reflektim të thellë mbi nevojën për të forcuar masat e sigurisë në ambientet gjyqësore, duke garantuar mbrojtjen e gjyqtarëve, prokurorëve, avokatëve, palëve dhe çdo qytetari që hyn në sallat e drejtësisë. Siguria është parakusht i pandashëm për ushtrimin e pavarur dhe të paanshëm të detyrës gjyqësore.”, thuhet në qëndrimin e bërë publik ndërsa kërkohet nga institucionet përgjegjëse që të marrin masa të menjëhershme që të mnos përsëriten ngjarje të tilla. “Po aq e rëndësishme është ndalimi i gjuhës së urrejtjes, denigrimit dhe kërcënimit ndaj gjyqtarëve dhe sistemit të drejtësisë. Asnjë shprehje armiqësie, asnjë fjalë që nxit dhunë apo paragjykim ndaj personave që përmbushin detyrën e tyre nuk duhet të tolerohet.”, theksohet në reagim. Në të njëjtën linjë qëndron dhe Këshilli I Lartë Gjyqësor që thekson se “cënimi i integritetit fizik të gjyqtarëve përbën sulm të drejtpërdrejtë, jo vetëm ndaj magjistratëve por edhe ndaj shtetit të së drejtës, institucioneve demokratike, si dhe interesit dhe besimit të publikut.”. Për rastin reagoi edhe Gjykata Kushtetuese, ajo e Lartë, shoqatat e gjytarëve, KLP, SPAK, Gjkko por dhe dhoma e avokatisë. Ku edhe njëherë u vendos theksi tek siguria.