Gjykata e Korçës ka ndryshuar masën e sigurisë për shtetasit Leonidha Guçe dhe Denis Meçe të përfshirë në vrasjen e Egli Progës në 10 gusht të vitit 2024. Pas 15 muajsh në paraburgimin e Drenovës, gjykata vendosi tre ditë më parë t’i nxjerrë nga qelia dhe t’i vendosë në “arrest shtëpie” deri në përfundim të hetimeve, pasi afatet e qëndrimit në paraburgim kanë përfunduar. Të dy akuzohen për ‘Vrasje me dashje, e kryer në bashkëpunim’. Sakaq, Prokuroria e Korçës vijon hetimet dhe është ende në pritje të akt-ekspertimit nga një laborator kompjuterik në Itali të pamjeve të kamerave të sigurisë të sekuestruara në lokalin ku ka ndodhur ngjarja, ku një pjesë e pamjeve filmike rezulton e fshirë. Hetuesit presin rezultatin e ekspertizës dhe rikthim të pamjeve të humbura dhe për të qartësuar rolin e të dyshuarve në ngjarje. Vrasja e rëndë e Elgi Progës ndodhi në muajin Gusht në Pogradec, ngjarje e cila çoi në arrestimin dhe të 2 personave të tjerë të cilët akuzohen për “Moskallëzim krimi” dhe “Veprime që pengojnë zbulimin e të vërtetës”. Proga, baba I dy fëmiëjve u dhunuar brenda lokalit nga Leonidha Guçe e më pas u godit kur ka dalë nga lokali dhe nga Denis Meçe. Këto të dhëna u zbuluan gjatë rrëfimit të të pandehurve.