Gjykata e Tiranës ka vendosur 37 vite burg për shtetasit Saimir dhe Arsil Shera, të dënuar për vrasjen e taksistit Abdulla Budlla në muajin gusht të vitit 2020. Dy vëllezërit, njëri 22 dhe tjetri 33 vjec u shpallën fajtor nga gjykata, për akuzën vrasje me paramendim. Gjatë fjalës së mbrojtjes ata i kërkuan gjykatës të merrte parasysh si rrethanë lehtësuese gjendjen emocionale të tyre kur ata mësuan të vërtetën. Abdulla Budlla u ekzekutua me armë zjarri pasditen e 3 gushtit në zonën e Fushë Prezës, nga vëllezërit Shera. Motivi I vrasjes u tha se ishte mamaja e dy djemëve, e cila dyshohej se kishte një lidhje të fshehtë me taksistin, ndërsa fjalë për to ishin hapur n fshatin e tyre. Vëllai më i madh Saimiri tha në gjykatë se kur u kthye nga Greqia kuptoi që historia ishte përhapur në zonë dhe ngado flitej për Abdulla Budllën dhe të ëmën e tij. Pikërisht kjo arsyje, fundosi 71 vjecarin Abdulla Budlla, i cili u vra me armë nga vëllezërit Shera. Gjykata asohore vlerësoi se krimi u krye me paramendim dhe i shpalli fajtorë të dy djemtë.