Një sherr mes dy të rinjsh në një lokal të Sarandës agravoi deri në përdorimin e thikës, ku një 35 vjeçar u dërgua me urgjencë drejt spitalit rajonal të Sarandës. Dy personat e përfshirë në konflikt nuk janë emra të rinj për drejtësinë, ata rezultojnë me precedent të hershëm penal, për vrasje dhe vjedhje. Konflikti mes dy të rinjve, Besmir Uka dhe Ermir Shabanaj filloi në një lokal në Sarandë dhe më pas u zhvendos në rrugën përpara lokalit, ku pak para mesnatës Shabanaj goditi me thikë Besmir Ukën. Ky i fundit u transportua me urgjencë drejt spitalit rajonal të Sarandës ku mësohet se ndodhet jashtë rrezikut për jetën. Policia ka shtrirë kërkimet për kapjen e autorit të ngjarjes, Ermir Shabanaj, teksa po vijon punën për zbardhjen e plotë të rrethanave dhe arsyes që e shtyu Shabanajn të godiste 35 vjeçarin, Besmir Uka me thikë.