Partia Socialiste dhe Partia Demokratike konkretizuan me votë të përbashkët në parlament dakordësinë e arritur për ngritjen e komisioneve të posaçme për reformën zgjedhore dhe atë territoriale. Komisioni për reformën zgjedhore u votua me 113 vota pro, ndërsa ai për reformën territoriale me 115 vota pro. Në të dyja rastet, tre vota ishin kundër, dy të deputetëve të Partisë Mundësia, Agron Shehaj dhe Erald Kapri dhe një votë e deputetit të Lëvizjes Bashkë, Redi Muçi.