Komisioni Qendror i Zgjedhjeve propozon që votimi elektronik për zgjedhjet parlamentare të pranverës së ardhshme të mbahet vetëm në dy qarqe. Komisioneri Ilirjan Celibashi u ka dërguar një shkresë partive politike, ku këshillon që votimi elektronik të mbahet në Elbasan dhe në Durrës. Celibashi e argumenton propozimin e Elbasanit me faktin se pjesa më e madhe e votuesve në këtë qark, që i përkasin Bashkisë së Elbasanit janë të familjarizuar me votimin elektronik, pasi votuan elektronikisht në zgjedhjet vendore të vitit të kaluar. Durrësi propozohet nga KQZ për shkak të lehtësive logjistike që ofron ky qark në krahasim me qarqet e tjera. Celibashi thotë se afërsia për shpërndarjen e materialeve si dhe ajo për gjetjen e burimeve njerëzore për të realizuar votimin elektronik është një tjetër favor për Durrësin.