Ky është momenti kur 25-vjeçari Imanuel Gjino, ka hyrë në një farmaci në lagjen ‘Liri’ të Fierit dhe ka vjedhur me forcë mbi 120 mijë lekë. Policia e Fierit ka organizuar punën për kapjen e autorit, menjëherë pas denoncimit të bërë nga farmacistja. Uniformat blu kanë arrestuar 25-vjeçarin me banim në Fier, me akuzen për veprën penale "Vjedhje". Sakaq, një pjesë e shumës së parave dhe veshjet që ka patur autori, gjatë vjedhjes, janë sekuestruar në cilësinë e provës materiale. Materialet procedurale iu referuan Prokurorisë së Fierit, për veprën penale “Vjedhja”.