Ky është momenti kur dy hajdutë vjedhin në Tiranë një kasafortë me 15 mijë euro. Ata, pasi e nxjerrin nga ashensori, e çojnë drejt makinës dhe largohen me shpejtësi. Vjedhja ndodhi më 2 qershor, por policia mundi ta zbardhë shumë shpejt dhe t’i prangosë të dy. Ngjarja ndodhi në një apartament në rrugën Muhamet Gjollesha. Nga verimet hetimore, dy të arrestuarit, të moshës 40 dhe 38 vjeç, rezultojnë me precedentë penalë në fushën e vjedhjes. Po ashtu, nga verifikimet e kryera, rezultoi se njëri prej tyre ishte me masë sigurie arrest shtëpie, por kjo gjë nuk e frenoi që të merrte pjesë në vjedhje. Aksioni i koduar “Reagimi” u krye nga agjentët e Komisariatit Nr. 2, ndërsa u sekuestrua në cilësinë e provës materiale automjeti i përdorur prej tyre.