Disa persona janë shoqëruar në komisariatin e Fierit, si të dyshuar se mund të jenë të përfshirë në një skemë vjedhjeje të naftës bruto në zonën naftëmbajtëse Visokë-Qafë Kash, nën administrimin e Albpetrol. Sipas informacioneve të policisë, dyshimet e para janë se nafta bruto mund të jetë vjedhur me autobusë të cilët duhet të pomponin ujë në shtresat e nëntokës, proces teknologjik që kryhet në shtresat e nëntokës. Mirëpo, në vend se të këtij priocesi, pra të pompimit të ujit, dyshohet se këta persona kanë vjedhur naftë bruto. Pasi policia ka ngritur këtë dyshim, personat të cilët janë nën hetim i janë drejtuar komisariatit të policisë Fier bashkë me mjetet e tyre përkatëse, për të bërë kështu verifikimin e të gjitha dyshimeve që policia ka në lidhje me këtë cështje. Ata po merren në pyetje për këtë gjë, ndërsa pritet njoftimi i policisë për të konfirmuar ose jo pjesemarrjen e tyre ne këtë veprimtari.