Shtetet e Bashkuara të Amerikës, po tregojnë edhe njëherë se janë në krye të përpjekjes ndërkombëtare për të Mbështetur Ukrainën me ndihma dhe armatime për t’i bërë ballë agresionit rus. Në kohë kur lufta në Ukrainë ka hyrë në një tjetër fazë dhe është përqëndruar në pjesën lindore të vendit, dy nga zyrtarë më të lartë amerikanë, Sekretari amerikan i Shtetit Antony Blinken dhe ai i Mbrojtjes Lloyd Austin do të vizitojnë ditën e dielë Kievin Lajmi u dha nga vetë presidenti i Ukrainës Volodymyr Zelenskyy gjatë një konference për shtyp të organizuar në një metro të Kievit. Edhe pse lideri ukrainas nuk dha detaje të mëtejshme rreth takimit, kjo do të ishte vizita e parë zyrtare nga zyrtarë të këtij niveli të qeverisë amerikane që kur filloi agresioni i Rusisë ndaj Ukrainës më 24 shkurt. Blinken ka vizituar kufirin Ukrainë-Poloni disa javë më parë dhe hyri për disa minuta në territorin ukrainas, por asnjë zyrtar amerikan nuk ka shkuar në Kiev. Pavarësisht këtij njoftimi të paparalajmëruar nga Zelensky Shtëpia e Bardhë nuk pranoi të komentojë të shtunën lidhur me vizitën e mundshme. Gjatë konferencës, Presidenti ukrainas kërkoi gjithashtu që Shtetet e Bashkuara të pranojnë të jenë një nga garantuesit e sigurisë së Ukrainës për ta mbrojtur atë nga kërcënimet e ardhshme. Zelenskyy ka kërkuar që presidenti Joe Biden të vizitojë Kievin dhe të shohë nga afër masakrat e ushtrisë ruse por ftesa është hedhur poshtë për arsye sigurie. Pamjet: AFP