Kazakistani do të aplikojë regjimin e sanksioneve kundër Rusisë. Kështu deklaroi presidenti i vendit Kassym Tokayev në një konferencë shtypi pas takimit me kancelarin gjerman Olaf Scholz. Tokayev bëri gjithashtu apel për të marrë fund sa më shpejt lufta në Ukrainë dhe ëpr të nisur bisedimet për paqe, në përputhje me Kartën e OKB-së. "Ne duhet të ndalojmë akuzat e ndërsjella dhe të negociojmë për të gjetur opsione që do t'u përshtaten të dyja palëve," tha ai, duke shtuar se është koha për "diplomaci të mençur dhe racionale". Tokayev mbërriti në Gjermani këtë të enjte për të zhvilluar bisedime me kancelarin Scholz dhe presidentin gjerman Frank-Ëalter Steinmeier. Pas takimit të tij me Scholz, Tokayev shtoi se Kazakistani është gati të rrisë furnizimet me naftë në Gjermani "dhe t'i bëjë ato për një periudhë afatgjatë". Rusia ka përdorur vende të treta për të anashkaluar sanksionet e aplikuara kundër saj nga vendet perëndimore pas nisjes së pushtimit të plotë të Ukrainës nga Moska.