Shifrat e INSTAT tregojnë se Shqipëria po përjeton vitin më të mirë sa i përket turizmit. Sipas të dhënave, në 8 muajt e parë hynë në vend gati 7 milionë persona, një rritje me 27 për qind në krahasim me të njëjtën periudhë të një viti më parë. Sipas të dhënave, që nga qershori në vend hyn mbi 1 milionë shtetas të huaj, për të arritur në 1.77 milionë në korrik dhe duke e kaluar për herë të parë pragun e 2 milionëve në gusht. Në Gusht, sipas INSTAT, gati 1.95 milionë turistë të huaj ishin europianë, ndjeku më pas nga amerikanët, pak më shumë se 40 mijë dhe rreth 12 mijë aziatikë. Ndërkohë, të dhënat e Ministrisë së Turizmit bëjnë të ditur se shtetasit nga Kosova vijojnë të zënë pjesën më të madhe të hyrjeve në Shqipëri, me rreth një të tretën. Këtë vit, për herë të parë italianët kaluan të dytët me rreth 10 për qind, të ndjekur nga vendet e tjera të rajonit, Mali i Zi e Maqedonia e Veriut.