Aksidentet rrugore vijojnë të jenë një nga shkaqet kryesore te humbjes së jetëve në mënyre aksidentale të shtetasve shqiptarë. Në raportin e Instat për 2-mujorit të parë të këtij vitit vihet re ulja e numrit të aksidente rrugore dhe rrjedhimisht edhe ulje të numrit të personave që kanë humbur jetën. Kjo pavarësisht se shifrat mbeten në nivele alarmante. Vetëm në muajin janar numërohen 107 aksidente rrugore nga 125 aksidente të ndodhura në muajin Janar 2021, duke u ulur me 14,4 %, krahasuar me të njëjtën periudhë të një viti më parë. Në muajin Shkurt 2022 numërohen 77 aksidente rrugore nga 79 aksidente të ndodhura në muajin Shkurt 2021, duke u ulur me 2.5 %, krahasuar me të njëjtën periudhë të një viti më parë. Pra në dymujorin e parë të vitit 2022 numërohen 184 aksidente rrugore nga 204 aksidente, të ndodhura në të njëjtën periudhë të një viti më parë, duke u ulur me 9,8 %.