Shqipëria rënditet ndër vendet me numrin më të lartë të vdekjeve si pasojë e aksidenteve rrugore, në raport me popullësinë. Madje, mund të thuhet se aksidentet janë shkaku I tretë I fataliteteve, pas vdekjeve natyrale ose atyre me diagnoza të panjohura. Kjo gjë është kthyer jo vetëm në një shqetësim, por më shumë se kaq, në një makth për vendin tonë. Sado, që policia rrugore cdo ditë apelon drejtuesit e mjeteve të jenë të kujdesshëm dhe të mos shkelin kodin rrugor, duket se nuk ka asnjë ndryshim pavarësisht thirrjeve të shumta nga autoritetet rrugore. Të shumta janë shkaqet që cojnë drejt fataliteteve, duke filluar nga drejtimi I mjetit në gjendje të dehur, e deri në paraklaime të gabuara, apo mos respektimi i sinjalistikave rrugore. Mos respektimi i semaforit po ashtu, ka qenë shkak I një sërë fatalitetesh kohëve të fundit. Referuar shifrave zyrtare, nga viti 1991 deri në vitet 2000 që përkon me dekadën e parë pas rënies së komunizmit në Shqipëri, janë dokumentuar 4205 aksidente, ku 2859 persona kanë humbur jetën dhe 3499 kanë mbetur të lënduar. Sipas shifrave zyratre të publikuara në Institutin e Statistikave, bilaci më I lartë I aksidenteve rrugorë referuar harkut kohorë 2014-2020, është regjistruar në vitin 2016, me 2 mijë e 32 aksidente, ku 269 persona kanë ndërruar jetë dhe 2 mijë e 778 të tjerë kanë mbetur të plagosur. Në vitin 2014, ka patur 1914 aksidente me 246 të vdekur dhe 2 mijë e 617 të plagosur. Referuar po shifrave të publikiuara nga INSTAT, në 2015, ka patur 1 mijë e 992 aksidente me 270 të vdekur dhe 2 mijë e 692 të plagosur. Në 2017, 1978 aksidente me 222 viktima dhe 2 mijë e 611 te plagosur. 2018-ta sërish ka një bilac të lartë aksidentesh, nga 1718 prej tyre, 213 kanë qenë viktima dhe 2 mijë e 291 të plagosur. Në vitin 2019, janë regjistruar 1498 aksidente me 227 të vdekur dhe 2 mijë e 44 të plagosur. Vitin e kaluar ka patur 1 mijë e 234 aksidente me 181 viktima dhe 1 mijë e 598 të plagosur. Ndërsa, këtë vit, duke llogaritur harkun kohorë janar-tetor 165 persona kanë mbetur viktimë e akidenteve rrugore. Policia rrugore edhe një herë apelon drejtuesit e mjeteve të tregojën kujdes në rrugë, të mos tejkalojnë shpejtësinë e lejuar, të mos drejtojnë mjetin nën efektin e alkolit dhe të zbatojnë me rigorozitet rregullat e qarkullimit rrugor.