Një 76-vjeçare nga fshati Proger i Devollit u gjet këtë të shtunë pa shenja jete nga ekipet e kërkim-shpëtimit. E moshuara, e cila vuante nga demenca, ishte shpallur e humbur që mëngjesin e 21 nëntorit, pasi dyshohet se ishte marrë nga rrjedha e ujit pas reshjeve të dendura. Ndërkohë, sipas të dhënave të fundit, situata meteorologjike është stabilizuar, pasi gjatë natës nuk ka pasur reshje. Për disa ditë me rradhë, niveli i Lumit Vjosë vazhdon të mbetet në nivele të larta, luhatës 7.8–8.3 metra, duke krijuar shqetësime për autoritetet e emergjencave civile. Strukturat përgjegjëse janë në gatishmëri të plotë, veçanërisht përgjatë vijës së lumit dhe urës së Mifolit. Në këtë situatë kritike, përmbytjet nuk kanë arritur ende të kalojnë zonën e rrezikut, por përpjekjet për monitorim dhe ndërhyrje mbeten intensive.