Nuk ka të ndalur trafiku i klandestinëve në vendin tonë. Një tjetër rast është konstatuar mëngjesin e së dielës nga policia e Lezhës në aksin rrugor Milot –Morinë, ku janë ndaluar 19 emigrantë të paligjshëm. Rasti në fjalë u evdeintua pas koordinimit të veorimeve mes komisartiatit tëpolicisë së Mirditës, shërbimeve të Njësisë së Autostradës Milot-Morinë dhe drejtorisë vendore të policisë së Lezhës, në zbatim të planit të masave për të parandaluar dhe goditur aktivitetin e paligjshëm të dhënies ndihmë shtetasve të huaj për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së. Operacioni u ndërmorr pas informacioneve të marra në rrugë policore se në automjetet tip “ Volvo” dhe “Ford” po transportoheshin emigrantë të paligjshëm drejt Kosovës, organizuan punën për lokalizimin dhe ndalimin e mjeteve. Pasi verifikimit dhe gjetjes së emigrantëve në të dy mjetet në asfërsi të fshatit Skuraj, policia arrestoi në kushtet e flagrancës dy shtetas nga Fushë Kruja që po bënin trasportin e tyre. Hetimi po vijon nga prokuroria e Kurbinit për veprën penale “Ndihma për kalim të paligjshëm të kufijve”, e kryer në bashkëpunim.