Ka dështuar për të 44-tën herë seanca konstituive e Parlamentit të Kosovës, ku sërish opozita nuk pranoi të propozojë emrat e përfaqësuesve të saj në komisionin që do të organizojë votimin e fshehtë për kreun e Kuvendit. PDK, LDK e AAK, fajësuan Lëvizjen Vetëvendosje për bllokimin e jetës parlamentare, e vetë partia e parë e drejtuar nga Kurti, akuzon për këtë opozitën. Kusari-Lila, e cila është edhe kryetare e Alternativës, tha se të gjithë deputetët, përfshirë edhe deputetin e AAK-së, Bekë Berisha, i cili ka deklaruar se do të votonte secilin kandidat për kryetar nga radhët e LVV-së, duhet ta përkthejnë këtë qëndrim në veprim konkret në legjislativ.