Deputeti i Partisë Demokratike pjesë e Komisionit të Rithemelimit, Flamur Noka, ka reaguar pas raportit të Departamentit Amerikan të Shtetit, teksa akuzon qeverinë ssi të korruptuar në të gjitha nivelet dhe ushtruese e presionit ndaj drejtësisë. Duke iu përgjigjur pyetjeve të gazetarëve, Noka u ndal edhe tek problemet e brendshme të Partisë Demokratike, teksa e cilësoi Enkelejd Alibeajn, si personi që edhe pas dorëheqjes së Lulzim Bashës nga posti i kryetarit po vijon të punojë për interes të këtij të fundit dhe të Edi Ramës. SINK “Çfarë është diskutuar në mbledhjen e grupit parlamentar të PD është kjo: Të gjithë janë kundër qëndrimit përçarës të Enkelejd Alibeajt. Nëse Alibeaj është peng siç ishte edhe Basha, ju them se deputetët e PD janë të gjithë të lirë në vullnetin e tyre dhe në zbatim të vullnetit të demokratëve për ta bashkuar këtë forcë politike dhe për ta bërë fituese. Pengjet bëjnë punën e tyre, demokratët janë nër rrugën e tyre. Ndërkohë i menjëhershëm ka qenë edhe reagimi i përkrahësve të ish-kryetarit Lulzim Basha. Orjola Pampuri, në cilësinë e zëdhënëses së grupit parlamentar të PD e cila akuzon Nokës për deformim të qëndrimit të deputetëve. “Gënjeshtrat dhe mashtrimi në emër të deputetëve të PD nga kolegu Flamur Noka, janë një fyerje e rëndë për secilin prej nesh. Deformimi me dashje në publik i qëndrimeve tona, pa asnjë autoritet nga Grupi Parlamentar, jashtë realitetit të mbledhjes së djeshme, jashtë diskutimeve të përgjegjshme të secilit prej kolegëve të Grupit Parlamentar, nuk ndihmon në bashkimim e demokratëve”. Pampuri bën thirrje që të ndalet gjuha e përçarjes dhe të punohet për bashkimin e demokratëv