3 shtetas kanë rënë në prangat e Policisë, ndërsa një shtetas tjetër është proceduar në gjendje të lirë për moskallëzim krimi. 3 të arrestuarit, banues në Shijak, më 9 tetor, vodhën një automjet tip "Benz", në një garazh në rrugën "Tre Dëshmorët", në Yzberisht. Sipas njoftimit të policisë, shtetasi me iniciale A.T. 27 vjeç, ka qenë ai që ka marrë automjetin nga garazhi, ndërsa është ndihmuar nga shtetasi tjetër 29 vjec, i cili e ka shoqëruar me një automjet tjetër para, si dhe pas kryerjes së vjedhjes ka shoqëruar automjetin e vjedhur dhe kanë lëvizur të dy automjetet bashkë. Nga veprimet hetimore të kryera, shtetasi i tretë me iniciale K. B. ka dashur që t’i shesë automjetin e vjedhur një shtetasi tjetër, i cili ka pasur dijeni që automjeti është i vjedhur, por nuk e ka kallëzuar atë pranë organeve kompetente. Ky I fundit është shpallur në kërkim nga policia. Materialet për rastin i kaluan Prokurorisë.