Një skaf shihet në ekran ndërsa lëviz shpejt me katër motorët e tij që krijojnë një valë shkume në ujë. Më pas një shkreptimë dhe skafi shpërthen në flakë. Presidenti amerikan donald trump tha pas kësaj se 11 narkoterroristë vdiqën në sulmin me raketa amerikane kur e postoi videon në internet, në shtator, duke ndezur një seri pyetjesh në lidhje me justifikimin ligjor për vrasjen e trafikantëve të drogës. Megjithatë, pas 29 sekondave të pamjeve filmike, vjen ajo që po e bën sekretarin e tij të mbrojtjes të luftojë për mbijetesë politike dhe të shpëtojë nga akuzat se ai dhe trupat e tij janë fajtorë për krime lufte. Disa nga përgjigjet vijnë në videon prej rreth 40 minutash, që vazhdon, e treguar nga anëtarët e kongresit, javën e kaluar, që demokratët po kërkojnë të publikohet e plotë. Në video, tregohen dy të mbijetuar, të kapur pas mbetjeve të skafit, sipas personave që e kanë parë videon e plotë. Ata madje ngrenë edhe duart në shenjë dorëzimi në një moment. Por, nga më shumë se 3200 km larg, në Fort Bragg të karolinës së veriut, admirali Frank Bradley dha urdhër për të goditur sërish...Arsyeja e saktë pse ai e urdhëroi këtë sulm të dytë, dhe udhëzimet që ai kishte marrë nga sekretari i mbrojtjes, Pete Hegseth, tani po hetohen. Ligjet e luftës ndalojnë sulmet ndaj armiqve që janë dorëzuar dhe nuk përbëjnë më kërcënim. Tani demokratët kërkojnë që hegseth të japë dorëheqjen.