Ndërsa pritet që afatet e vetingut në drejtësi të zgjatën deri në muajin dhjetor të vitit 2024, deri më sot 500 gjyqtare dhe prokurorë kanë dalë në shkallën e parë të Vettingut. Më shumë se gjysma e tyre janë tërhequr ose shkarkuar, kjo për shkak të problemeve me deklarimin e pasurisë apo për mungesë profesionalizmi. Në proces, janë rreth 300 të tjerë, përfshirë këtu prokurorë dhe gjyqtarë, ndërsa nga të dhënat e sistemit të drejtësisë rezulton se 185 prej tyre janë shkarkuar nga detyra. Një pjesë e të cilëve, dolën nga sistemi i drejtësisë pasi dhanë dorëheqjen. Pra në total janë 76, 57 prej tyre gjyqtarë dhe 19 të tjerë prokurorë. Nga totali prej 500 gjyqtarësh e prokurorësh, vetëm 195 prej tyre arritën të kalojnë kanë filtrat e pasurisë, pastërtisë së figurës dhe profesionalizmit. 113 ishin gjyqtarë dhe 82 prokurorë. Procesi i vetingut në drejtësi, nisi në vitin 2016 pas miratimeve të reformës në drejtësi në parlament. Në total ishin 800 gjyqtarë e prokurorë në sistem, ndërsa kanë mbetur dhe 300 të tjerë edhe pse zgjatja e afateve parashikon tre vite të tjera.