Presidenti i Shqipërisë Bajram Begaj ka reaguar përsa i përket çështjes se pengimit të Greqisë me veton e saj për hapjen e negociatave të anëtaresimit të Shqipërisë në Bashkimin Europian. Ai e ka krahasuar veton e Greqisë ndaj Shqipërisë si studenti me pedagogun. Nga Bullgaria ku Begaj ndodhet për një vizitë zyrtare ai ka thënë se se në çdo takim ndërkombëtar që ka patur, puna e Shqipërisë është lavdëruar, por tani në mënyrë të pakuptueshme ngel në klasë. Begaj më tej ka thënë se anëtarësimi i Shqiperisë në BE, është investim gjeostrategjik i BE-së, ndërsa për Shqipërinë është çështje jetike e strategjike dhe ëndërr për t’u përmbushur. “Siguroj se do vazhdojmë të jemi studentë të dalluar, do trokasim në dyert e BE dhe kur të hapet dera besoj se do jemi të lutur të futemi”-ka thënë Presidenti.