Kopshti Botanik do të vijojë të jetë në pronësi të Fakultetit të Shkencave të Natyrës, në Universitetin e Tiranës. Gjykata Administrative ka rrëzuar Vendimin e Këshillit të Ministrave që i kalonte Kopshtin Botanik në pronësi të Bashkisë të Tiranës. Vendimi i fundit i Këshillit të Ministrave ishte për “Për kalimin në pronësi, të Bashkisë Tiranë, të disa pasurive të paluajtshme ndër të cilat edhe Kopshti Botanik. Universiteti i Tiranës ka kundërshtuar vazhdimisht këtë vendim. Fakulteti i Shkencave para disa kohësh ka zhvilluar mbledhje pikërisht për këtë çështje, gjatë të cilave e ka konsideruar arbitrar vendimin e këshillit të ministrave. Ndërkohë, me vendimin e fundit të dhënë nga Gjykata Administrative, Kopshti Botanik mbetet nën administrimin e Universitetit të Shkencave të Natyrës.