Edvin Prifti mjeku e pedagogu i njohur, i cili u arrestua rreth një viti më parë, tani mund të ushtrojë profesionin e tij. Një vit pas arretimit dhe hetimit masiv të tij, GJKKO këtë të mërkurë ka vendosur në seanën e fundit që mjeku të rikthehet në profesionin e tij për ti shërbyer qytetarëve. Prifti u arrestua me urdhër të SPAK më 15 shkurt të vitit 2021, ku ndaj tij kishte një mase pezullimi për detyrën. Mjekut i u gjetën rreth 1 milionë euro pasuri, ndërsa kjo ishte arsyeja pse ai u mor në hetim nga Prokuroria e Posacme kundër korupsionit dhe krimit të organziaur. SPAK e akuzoi Priftin për korrupsion dhe pastrim parash, ndërsa hetimet lidhur me këtë cështje ende nuk kanë përfunduar. Edvin Prifti u akuzua nga SPAK se mori ryshfet nga sekretarja e gjykatës së Krujës, Manuela Mallkuçi për ti operuar nënën. Cështja u zbulua nga SPAK, ndërsa gjatë përgjimit të disa bisedave telefonike ku t përfshirë ishin sekretarja dhe infermierja e QSUT, ku flitej për dhënien e parave kariologut në këmbim të kryerjes së operimit jashtë radhe. Në çantën e tij të shpinës iu gjet një bllok shënimesh ku ruante emrat e klientëve dhe 380 mijë euro cash.