Organizata Omonia ka hedhur akuza ndaj Komisionit Qendror të Zgjedhjeve dhe Komisionerit Ilirian Celibashi, pas vendimit për t’I hequr mandatin Fredi Belerit si dhe për shpalljen e datës së zgjedhjeve të reja të pjesshme për Himarën. Në një reagim publk, Omonia shprehet se “gjoja në emër të parimeve të larta të drejtësisë dhe paanësisë përballë ligjit, Komisioneri Shteteror i Zgjedhjeve konsumoi ndoshta gabimin më të madh të karrierës së tij duke keqinterpretuar dhe ngatërruar me dashje ligjet në fuqi që rregullojnë zbatimin e ndalimeve për zgjedhjen dhe emërimin në funksionet publike të të zgjedhurve me interpretim me personale”. Omonia shkon edhe më tej, kur shprehet se vendimi për Belerin rezulton të jetë marrë pa u dëgjuar ai, e këtë pretendim e justifikon me orën e vendimit të vendosur në dokument, përkatësisht ora 10:30, por që vendimi në realitet është marrë në 11:30.