Ministria e Infrastrukturës dhe Energjisë ka reaguar përmes një deklarate për të sqaruar pse kompania greke e hodhi në gjyq shtetin shqiptar për autostradën Tiranë-Elbasan. Sipas saj, shkeljet që kanë shqetësuar edhe kompaninë greke kanë ndodhur në kohën kur kjo ministri drejtohej nga LSI. Në deklaratë thuhet se qeveria Rama vuri pas hekurave përgjegjësit pranë ARRSH-së për shpërdorimin. Sipas deklaratës për shtyp të Ministrisë së Infrastrukturës, Kontrata për ndërtimin e rrugës Tiranë-Elbasan është lidhur në vitin 2012, kur në qeveri ishte Partia Demokratike, e cila sot sulmon duke harruar se e nënshkroi këtë kontratë pa studim gjeologjik dhe me dhjetëra ndryshime sipas kërkesave të kontraktorit dhe sigurisht me ndihmën e zyrtarëve të korruptuar, këtë kontrate e ka iniciuar shtrembër që në gjenezë, pikërisht Partia Demokratike.