Këshilli i Lartë i Prokurorisë ka pezulluar aplikimet për plotësimin e vendeve vakante, pas urdhrit të Komitetit Teknik të Ekspertëve për të ndaluar grumbullimet në vende të mbyllura apo të hapura. përmes një njoftiomi për shtyp bëhet e ditur se vendimi për pezullimin e aplikimeve për vendet vakante në klp, vjen në zbatim të urdhrit të ministrisë së shëndetësisë për të ndaluar grumbullimet më shumë se 10 persona në ambiente të mbyllura ose të hapura. “Prokurori i Përgjithshëm çmon se shmangja e grumbullimeve të këtij lloji, si rrezik i lartë për përhapjen e virusit, është e vetmja garanci për kufizimin e përhapjes së infeksionit dhe siguron mbrojtjen e shëndetit të prokurorëve, oficerëve të policisë gjyqësore, punonjësve të administratës dhe të qytetarëve, thuhet ne njoftimin e KLP-së. Aktualisht në KLP janë dy vende janë bosh, ai i Besnik Canit dhe Arben Dollapit të shkarkuar nga Vettingu. Per t’u zgjedhur dy prokurorë te tjerë duhet të thirret mbledhja e përgjithshme e prokuroreve që e ka tagër kryeprokurori. Me këtë vendim KLP e ka pezulluar këtë mbledhje deri në një moment te dytë. Automatikisht mbeten dy vakanca, dhe nga 11 anëtarë që duhet të ketë KLP, aktualisht ka 9 dhe do mbeten 9 deri sa prokurorët të zgjedhin dy emra të tjerë të zëvendësojnë Canin e Dollapin.