Kriza e koronavirusit ka goditur fort shumë sektorë të ekonomisë, e një ndër më të prekurit është turizmi. Shumë njerëz mund të mos lëvizin jashtë kufijve këtë verë, pavarësisht thirrjeve të vendeve si Spanja dhe garancive të tyre të sigurisë. The Sun thotë se disa zona që mbahen me turizmin, po bëjnë oferta nga më joshëset me shpresën të tërheqin sa më shumë të interesuar. Lista e tij nis me Sicilinë. Për cdo tre netë qëndrimi në një hotel atje, mbulohet njëra prej tyre, së bashku me biletat e hyrjes në muze e site-e arkeologjike. Nuk mbaron këtu; the Sun thotë se janë gati “të heqin” edhe gjysmën e pasgesës së biletës së avionit. Ekzekutivi do të përdorë 50 milion euro për të financuar këtë skemë. Qeveria japoneze gjithashtu ofron gjysmën e pagesës së biletës së avionit e po përgatit dhe stimuj të tjerë. Në Cancun të Meksikës, janë gati paketa me “ dy netë falas për cdo dy netë të paguara”. Mësohet po kështu se disa plazhe në Bullgari janë gati të japin falas për turistët edhe shezlongët e cadrat.