Pas sulmit të ndërmarrë nga Izraeli kundrejt Iranit, kanë reaguar vendet e Gjirit Persik, të cilat kanë paralajmëruar përshkallëzim të situatës nëse nuk merren masa nga ndërkombëtarët ndaj këtij shteti. “Mbretëria e Arabisë Saudite shpreh dënon dhe denoncon” sulmet izraelite, dhe thekson “pozicionin e saj të qartë lidhur me kundërshtimin e përshkallëzimit të konfliktit në rajon që kërcënon sigurinë dhe stabilitetin e shteteve dhe njerëzve” në Lindjen e Mesme, shkroi Ministria e Jashtme e Arabisë Saudite në X duke i bërë thirrje “komunitetit ndërkombëtar dhe palëve në ndikim që të marrin rolet dhe përgjegjësitë e tyre për të ulur përshkallëzimin dhe për t’i dhënë fund konflikteve në rajon”. Reagimit iu bashkua dhe Katari. Vend ky që po ndërmjetëson për të vendosur armëpushimin mes Hamas dhe Izraelit.