Skiatoria e Sport Klub Tirana, Lara Colturi u përgëzua nga kryetari i bashkisë, Erion Veliaj për vendin e dytë në kampionatin botëror të skive. Veliaj e konsideroi këtë, një moment historik për sportin shqiptar. Veliaj: “Është kënaqësi e jashtëzakonshme të presim në Bashkinë e Tiranës gocën tonë, Lara Colturi, sportiste e Sport Klub Tiranës, e skuadrës së Shqipërisë, e cila ka bërë një punë të jashtëzakonshme bashke me Elvis Toçin dhe gjithë skuadrën e Federatës së Skive, në një vend me logjistikë modeste për sportin e skive, por me një skuadër me super talente. Para se Lara të jetë kampione e botës është një super vajzë dhe ajo që kam parë nga garat është se rrethohet me shumë dashuri. Jemi shumë krenarë për ty” Veliaj u zotuar se “Sport Klub Tirana” dhe bashkia do të japin më shumë mbështetje për sportistët e talentuar.