Për drejtuesin politik të PS për qarkun Tiranë, Erion Veliajn, Presidenti I Partisë së Lirisë, Ilir Meta e ka humbur lidhjen me eralitetin. Në takimin e mbajtur me socialistët në Rogozhinë, ai e cilësoi ish-kreun e shtetit si një karkiakturë totale të degradimit. “Ne kemi pasur President Republike dikë që futej në zyra bashkie dhe zihej e therej me policët bashkiakë. Një karikaturë totale e mënyrës si degradon njeriu kur nuk e kupton se ka humbur lidhjen me njerëzit dhe realitetin”, tha ai. Ai komentoi edhe protestat e PD para Bashkisë së Tiranës, ndërsa theksoi se opozitën e pret një tejtër humbje në zgjedhjet e ardhshme. “Për sa kohë vazhdojnë si talebanët, djegin gomat dhe me zjarr e molotov mundohen të artikulojnë, të thonë ato që ndoshta nuk dinë t’i thonë me gjuhë, ne do të vazhdojmë të qeverisim, do të vazhdojmë të fitojmë, do vazhdojmë të kontribuojmë dhe të punojmë sepse nuk ka asnjë alternativë tjetër” Veliaj tha gjithashtu se me PS në krye, vendi ka përparuar pasi po kryeson truizmin në rajon.