Vejusha e Alexei Navalnyt, Julia Navalny mbajti një fjalim para Parlamentit Europian këtë të mërkurë, ku ndër të tjera bëri një apel të fortë që të hetohet lidershipi rus, të cilin nuk ngurroi ta quajë një bandë të fortëkriminale, të drejtuar nga presidenti Vladimir Putin. Duke folur në Parlamentin Europian disa ditë pas vrasjes së burrit të saj në një burg të Arktikut, Navalnaya tha se një hetim për rrjedhën e parave në Perëndim do t’i dërgonin ligjvënësit evropianë drejt e te Putini. “Ju nuk keni të bëni me një politikan, por me një mafioz të përgjakshëm. Putini është lider i një grupi të organizuar kriminal, ku përfshihen helmuesit dhe vrasësit, por ata janë thjesht kukulla. Gjëja më e rëndësishme janë njerëzit e afërm të Putinit – miqtë e tij, bashkëpunëtorët dhe mbajtësit e parave të mafias. Ju, të gjithë ne, duhet patjetër ta luftojmë grupin kriminal. Dhe, inovacioni politik këtu është të përdoren metodat e luftimit të krimit të organizuar, jo gara politike. Jo shqetësimet përmes deklaratave, por kërkimi i bashkëpunëtorëve të mafias në vendet tuaja, i avokatëve dhe financierëve të cilët po e ndihmojnë Putinin dhe miqtë e tij t’i fshehin paratë”, u shpreh Yulia Navalni.