Një nga mjekët e akuzuar për vdekjen e aktorit Matthew Perry nga droga vitin e kaluar është paraqitur në një gjykatë amerikane. Mark Chavez u lirua me kusht në seancën dëgjimore në Los Anxhelos të premten, gjatë së cilës ai ra dakord të ndalonte punën e tij si mjek. Ai është "tepër i penduar", tha avokati i tij. Doktor Chavez, një nga pesë personat e akuzuar për vdekjen e Perry, ka rënë dakord për një marrëveshje me prokurorët. 54 vjeçari vdiq në shtëpinë e tij në Los Angeles tetorin e kaluar. Një ekzaminim pas vdekjes zbuloi një përqendrim të lartë të drogës ketamine në gjakun e tij dhe përcaktoi se "efektet akute" të substancës së kontrolluar e kishin vrarë atë. Policia njoftoi rezultatet e hetimit të saj dhe dy javë më parë. Ata thanë se kishin zbuluar një "rrjet të gjerë kriminal të nëndheshëm" të furnizuesve të drogës që shpërndanin sasi të mëdha ketamine. Tre nga të akuzuarit – përfshirë asistentin e Perry-t – kanë pranuar fajësinë për akuzat për drogë. ndëkrohë mjeku Chavez ka pranuar një akuzë të komplotit për shpërndarjen e ketaminës. Në seancën gjyqësore të së premtes, lirimi me kusht u caktua pasi i akuzuari pranoi të paguajë 50,000 dollarë si garnanci pasurore, të dorëzojë pasaportën e tij si dhe tëm os vazhdojë që të praktikojë mjekësinë. "Klienti im po pranon përgjegjësinë. Ai po bën gjithçka në fuqinë e tij për të bashkëpunuar, për të ndihmuar në këtë situatë," tha avokati mbrojtës Matt Binninger. Ketamina përdoret si trajtim për depresionin, ankthin dhe dhimbjen. Njerëz të afërt me Perry, i cili luajti si një nga personazhet kryesorë në serialin Friends, treguan pas vdekjes së tij se ai po i nënshtrohej një terapie ku po kurohej me ketaminë.