Agjencia e Ushqimit dhe Veterinarisë në Kosovë ka konfirmuar rastin e parë të sëmundjes Murtaja e Ruminantëve të Vegjël, në një fermë në fshatin Landovicë, komuna e Prizrenit. Agjencia e Ushqimit dhe Veterinarisë ka shpallur fshatin Landovicë vatër të infektuar, në perimetër prej 3 km nga ferma e prekur. Kjo zonë është vendosur në masë karantine, ndalim të lëvizjes se çdo kafshe, transport apo qarkullim të produkteve dhe nënprodukteve të kafshëve. Sakaq, fermat përreth janë vendosur nën mbikqyrje për hulumtimin e burimit të infektimit dhe kontakteve të mundshme me fermën e infektuar, ndërsa mostrat e marra prej tyre kanë rezultuar negative.