Në mesin e garës globale për prodhimin e vaksinës kundër Covid 19, studiuesit britanikë kanë dalë me pretendimin se imunizimi mund të jetë më I efektshëm nëse bëhet përmes sprajit nazal në vend të injeksionit. Shkencëtarët e Universitetit të Oksfordit dhe Imperial College London - të cilët aktualisht po kryejnë teste mbi njerëzit për vaksinën e re - po planifikojnë një valë të dytë testesh, këtë herë duke I kushtuar vëmendje “ imunizimit përmes mukozës”, raportoi Daily Mail."Për momentin, shumica e vaksinave realizohen me injeksione konvencionale intramuskulare. Arsyeja është se kjo rrugë konsiderohet më e lehtë dhe më e shpejtë për të parë rezultatin, por është shtuar ndjeshëm interesi për një vaksinë në formën e sprajit nazal. Aktualisht në botë po testohen rreth 120 vaksina kundër Covid19. Në Gjermani kompania Curevac nga Tybingeni ka filluar fazën e parë të testimit të një vaksine. Qeveria gjermane investoi tek kjo kompani 300 milion euro, pasi qeveria amerikane kishte treguar gjithashtu interes për Curevac. "Duke pasur parasysh numrin e madh të projekteve për zhvillimin e një vaksine në vende dhe kontinente të ndryshme, ne nuk presim konflikte globale për shpërndarjen e saj," tha Han Steutel, Presidenti i Shoqatës së Kërkimit të Kompanive Farmaceutike në Gjermani (vfa) për DË. "Ne mendojmë se vaksinimet mund të fillojnë pak a shumë në të njëjtën kohë në disa vende," u shpreh ai.