Kur instruktorët thonë komandat me zë të lartë, dhjetëra të rinj që marrin pjesë në një program pilot të ushtrisë çeke, që synon rritjen e numrit të rekrutëve, zvarriten nëpër pyll, duke mbajtur në duar armë automatike dhe duke mësuar pozicionet e duhura të qitjes. Ashtu si shumica e vendeve të lindjes, dikurë satelitë të bashkimit sovjetik e tani në NATO, Republika Çeke nuk ka mundur të arrijë objektivat e rekrutimit për vite me rradhë dhe ka luftuar për të ruajtur një nivel të caktuar të trupave të armatosura. Kjo i ka lënë njësitë e ushtrisë me staf të pamjaftueshëm dhe të paaftë për të arritur gatishmërinë luftarake, me pushtimin rus të Ukrainës, në skajet e Evropës Lindore, që është një kujtesë e ashpër e kërcënimit të mundshëm që moska paraqet për rajonin. Rreth 80 nxënës të shkollave të mesme çeke zgjodhën të kalonin një pjesë të verës duke mësuar rreth jetës në ushtri, në programin e trajnimit katër-javor që po zhvillohet në një zonë të mbyllur ushtarake 94 km në perëndim të Pragës. Por gjenerali Karel Rehka, shefi i forcave të armatosura çeke, e ka quajtur sistemin aktual të paqëndrueshëm.