Sanksione, tarifa të reja por dhe ndërhyrje ushtarake ishin kërcënimet e Donald Trump kundrejt Iranit. Paralajmërimet kërcënuese erdhën pas refuzimit të presidentit iranaian për zhvillimin e bisedimeve të drejtpërdrejta me Uashingtonin për prgoramin bërthamor. “Do të shohim nëse mund të bëjmë diçka. Nëse jo, do të jetë një situatë e keqe. Unë do të preferoja një marrëveshje në vend të alternativës tjetër, që mendoj se të gjithë në këtë aeroplan e dinë se çfarë është. Ajo nuk do të ishte një gjë e bukur”, u tha Trump gazetarëve para stë të fluturonte nga Florida për në Uashington. Më herët, ai paralajmëroi Iranin se “nëse nuk bëjnë marrëveshje, do të ketë bombardime.”