Vetëm 44 orë pas mbërritjes, ushtarët gjetmanë që zbarkuan në Groelandë u larguan nga ishulli, raporton gazeta gjermane Bild. Autoritetet në Berlin deklaruan një ditë më parë se 15 ushtarët gjermanë do të qëndronin në Groenlandë për një periudhë më të gjatë se ajo e planifikuar fillimisht. Sipas Bild, vendimi për largimin u mor të dielën në mëngjes, pa iu dhënë ndonjë shpjegim ushtarëve. Urdhri ishte i drejtpërdrejtë: “Kthehuni”. Të gjitha takimet e planifikuara gjatë kësaj të diele në Groenlandë u anuluan në mënyrë të menjëhershme. Mbetet e paqartë nëse ky vendim i Berlinit lidhet me kërcënimet e presidentit amerikan Donald Trump për vendosjen e tarifave doganore ndaj tetë vendeve europiane, përfshirë Gjermaninë, që kanë dërguar trupa në Groenlandë, apo nëse largimi ka arsye të tjera.