Një video e tmerrshme është publikuar këtë të mërkurë, ku tregohet momenti makabër i ekzekutimit të një ushtari ukrainas, të cilit i pritet koka nga trupat ruse. Në imazhe, duket se shihet një pjesëtar i ushtrisë ruse që i pret kokën ushtarit ukrainas të kapur rob, dhe i menjëherëshëm ka qenë reagimi i Kievit, i cili e ka quajtur këtë Krim Lufte. Koha kur ka ndodhur ky episod, i cili u shfaq në mediat sociale, nuk mund të verifikohet, por vrasja mendohet se ka ndodhur në fushëbetejë vitin e kaluar. Videoja barbare, tregon një person të maskuar, me veshje ushtarake, që përdor një kokë për ti prerë kokën robit të luftës, që dallohet se është ushtar ukrainas për shkak të stemës në uniformë. Presidenti ukrainas, Volodimir Zelenski, premtoi se ata që qëndronin pas sulmit do të dilnin një ditë para drejtësisë.