Kremtimi i meshës së pashkës ortodokse është shoqëruar me urime dhe mesazhe paqeje dhe shprese nga personalitete dominuese të arenës politike në vend. Presidenti i vendit, Ilir Meta ka uruar pashkën nëpërmjet një fotoje me Monika Kryemadhin. “Gëzuar Pashkën! Drita e kësaj Dite të Shenjtë të ngrohë zemrat dhe të ndriçojë gjithmonë familjet tuaja me shpresë, mbarësi dhe gëzim!” Kryetari i Kuvendit, Gramoz Ruçi, në urimin e tij nuk la pa përmendur edhe situatën pandmeike në vend, si pasojë e të cilës prej dy vitesh kushtëzohen ritualet fetare të ngjalljes së Krishitit. “Sakrificat e kohës së pandemisë na treguan se sa shumë dashuria dhe lumturia njerëzore është e kushtëzuar nga shëndeti i të gjithëve. Na treguan se shëndeti, mirëqenia dhe siguria e çdo njeriu dhe e çdo kombi janë tëvarura nga ato të kombeve të tjera.” Në mediat sociale kanë reaguar edhe dy liderat e partive kryesore në Shqipëri, Lulzim Basha dhe Edi Rama, të cilët urojnë bekime për çdo shqiptar.