Këtë të shtunë është përmbyllur dhe trajnimi I më tepër se 1300 efektivëve të policisë të cilët do të jenë në gatishmëri për zgjedhjet e së dielës. Ato janë zhvilluar në ambiente të mësha me pjesëmarrjen e stafeve drejtuese, ku secilit prej efektivëve I është dorëzuar mjeti I identfifikimit dhe broshura e kujtesës, ku cilësohen detyrat e tyre përgjatë 6 marsit dhe më pas ditëve ku do të vijojë numërimi I votive. Gjithashtu është krijuar dhe harta elektronike e shtrirjes territoriale, ku policët do të qëndrojnë kryesisht në një rreze të vogël pranë qendrave të votimit. Nën mbikëqyrje do të jenë jo vetëm Kzaz-ët, vendet e numërimit të votive dhe ato ku do të votohet. Një nga urdhrat kryesorë është moslejimi I grumbullimit të qytetarëve pranë qendrave. Do të lejohen vetëm ata të cilët do të jenë pjesë e procesit. Po ashtu dhe shmangia apo ndërhyrja në kohë gjatë konflikteve të cilat mund të shkaktohen. Bashkitë e mëdha janë ato që duan dhe më tepër survejim, kjo dhe për shkak të numrit të lartë të votuesve. Zgjedhjet për kryetarë do të mbahen në 6 bashki të dielën. Shkodra, Durrësi, Lushnja, Dibra, Vora e Rrogozhina do të kenë gjithë vëmendjen e nevojshme. Procesi do të nisë prej orësh 7 të mëngjesit dhe deri në 19 të mbrëmjes, pa llogaritur këtu ndonjë urdhër që mund të lëshohet nga KQZ. Pjesëmarrja pritet të jetë gjithashtu e lartë kryesisht në Durrës, Shkodër e Lushnje.