7 viktima janë regjistruar në 24 orët e fundit në Kosovë. Në raportin ditor bëhet e ditur se janë regjistruar 173 raste të reja infektimesh, nga 5 mijë e 95 testime të kryera. Sa duket rastet e reja dhe numri I viktimave po vjen duke u ulur, në krahasim me pak javë më parë ku regjistroheshin mbi 1 mijë raste në ditë si dhe mbi 20 viktima. Ministria e Shëndetësisë bëri e dije se po gjatë 24 orëve të fundit janë shëruar 1 mië e 434 pacientë nga koronavirusi. Ndërsa, aktualisht në të gjithë Kosovën janë 7 mijë e 635 qytetarë të infektuar. Numri I të shëruarve është rritur goxha, duke qenë se 2 javë më parë Kosova numëronte mbi 25 mijë raste aktive në të gjithë vendin. Deri të martën, në Kosovë janë dhënë mbi 1.1 milion vaksina, ndërsa mbi 453,000 qytetarë janë vaksinuar plotësisht me të dyja dozat.